[i575]
DE LA VILLE DE PARIS.
243
"Et aux b ostés, hostesses et autres personnes qui logent soit en maison ou chambre[s] logeantes, qu'ilz aient à apporter declaration aux Commis­saires et Quarteniers, chacun respectivement, les noms, surnoms, qualitez, demeurances, et l'occa­sion du séjour qui les meut de demeurer en cestc-ditle ville.
"Affin que lesdiclz Commissaires et Quarteniers y aient le soing et qu'ilz soient plus dilligenz qu'ilz n'ont esté, Sa Majesté a ordonné et ordonne qu'ilz aient à visiter les maisons, chacun en son quartier, pour estre faict rapport, sçavoir est : le Commis­saire pardevant le Prevost de Paris ou son Lieute­nant, et le Quartenier pardevant le Prevost des Marchans et Eschevins de ceste Ville, pour rendre raison de l'estat de leur quartier dont ilz respon­dront, au cas qu'il soit rapporté qu'il y ait de leur negligence.
«Donné à Paris le vingt ungiesme jour de Mars mil cinq cens soixante quinze.»
Signé: "HENRY». Et plus bas : "Brulart».
"Leu et publié par moy, Greffier en la Grand Prevosté de l'Hostel soubzsigné, à son de trompe et cry publicq au devant le logis du Roy et par les carrefours de ceste ville dc Paris, le mercredy xxnm° jour de Mars m v° lxxv.»
«Collation a esté faitte à son original par moy, Greffier de la Grand Prevosté de l'Hostel soubz­signé. »
Ainsy signé : "de La Verchiere».
La presente Ordonnance a esté envoiee au Bureau de laditte Ville par Sa Majesté, ledict jour et an cy dessus, et ordonné estre enregistrée.
CCCCXLIV. — [Mandemens aux Quarteniers tour faire] recherches.
29 mars 1575. (Fol. 181 v°.)
De par les Prevost des Marchans et Eschevins de la Ville de Paris.
tt M" Martin Jamart, Quartenier dc laditte Ville, nous vous mandons que, suivant la volunttédu Roy et le Reiglement faict par Sa Majesté pour le repos et seureté de laditte ville, cy dessus transcript, vous et voz Cinquanteniers et Dixiniers, chacun en droict soy, ayez à vous transporter, jeudy prochain, en toutes les maisons de vostre quartier, sçavoir quelz gens y sont logez, depuis quel temps ilz y sont arrivez, et les occasions de leur séjour en ceste ville; '
"Et continuez voz recherches et visitations l'un
des jours de chacune sepmaine, suivant les anciennes Ordonnances de laditte Ville;
"Et nous en rapporter incontinent voz procès ver-baulx, fidellement ct dilligemment faictz, pour estre portez au Roy toutes les sepmaines.
"Et exécuterez le contenu en l'Ordre de Saditte Majesté avce la fidélité que vous luy débvez : et n'y ferez faulte, .sur tant que vous aimez son service ct le bien de ceste Ville.
" Faict au Bureau, le xxix Mars u v° lxxv. »
Pareilz Mandemens ont esté envoyez aux autres Quartiniers de laditte Ville, avec coppie de l'Ordon­nance de Sa Majesté.
CCCCXLV. — [Mandemens aux Colonnelz pour faire] recherches.
3i mars 1575. (Fol. 182 v°.)
#e par les Prevost des Marchans et Eschevins de la Ville de Paris.
«Monsieur de Vignolles, l'un des Colonnelz de laditte Ville, nous vous mandons et Ordonnons que, suivant la voluntté du Roy, vous avec les Cappitaines, Lieutenans et Enseignes de vostre departement, ayez à aller samedy prochain, de grand matin, en toutes les maisons de vostre quartier, vous informer des noms, qualitez et occasions du séjour de ceulx qui
y seront logez; et s'il y a des soldalz, vous leur ferez commandement de par le Roy et Nous, d'eulx retirer soubz leurs enseignes; étaux vaccabondz et gens sans adveu, de partir promptement de la ville : sur peine de pugnition corporelle.
t Et exécuterez le present Mandement sans avoir armes que l'espée et la dague, et le plus doulcement que possible sera; et de ce que vous aurez faict, vous nous envoirez vostre procès verbal pour en fere rap­port à Sa Majesté.
3i.